தமிழ் நாடகங்களில் மொழிநடை ஆய்வுச் சுருக்கம் பத்தொன்பதாம் நூற்றாண்டின் நாடகங்கள் பெரும்பாலும் பாடலும் உரைநடையும் கலந்தே எழுதப்பெற்றுள்ளது . நாட்டார் நாடகங்கள் முதல் முதலில் தெருக்கூத்துக்கள் நடத்தப்பெற்றன . ஆகையினால் , அவை அவற்றிற்குத் தகுந்த முறையில் தாம் எழுதப்பெற்றன . பின்னர் அவை அரங்கத்தில் நடிக்கப் பெற்றன . மாற்றங்கள் அதிகமின்றிப் பாடல்களாகவே அவை அமைந்து இடையிடையே சிறிய சிறிய உரைநடைப் பகுதிக் காணப்பெறும் . மேலும் நாடகங்களில் மக்களின் வாய்மொழிகள் வடமொழிக் கலப்பு மிக மிக அதிகமாகிக் கொண்டிருந்தது . அந்நூற்றாண்டின் இறுதியில் ஆங்கிலம் அதிகம் கலந்து விட்டது . மேலும் பக்கத்து மாநில மொழிகளான தெலுங்கு போன்றவை...
என் எண்ணச்
சிதறல்கள்! (3)
Linkedin எனும் தளத்தில் என்னுடைய எண்ணங்களைக் கடந்த சில மாதங்களாகக் கவிதைகளாக வெளியிட்டு வருகிறேன். அந்தக் கவிதைகளை அனைத்தையும் தொகுத்து இப்பகுதியில் வெளியிட்டுள்ளேன்.
1.
தன்
நம்பிக்கை!
சந்தேகம்!
மனநிம்மதியைக் கெடுக்கும் ஆயுதம்!
சஞ்சலம்!
செயல்திறனைக் குறைக்கும் பேராயுதம்!
2.
வாசிப்பு!
அச்சுறுத்தும் வாழ்வின்
இருண்ட பக்கங்கள்
வாசிக்க வாசிக்க
வெளிச்சம் அடைகிறது!
தாகத்திற்குத் தண்ணீர்போல
தரமான நூல்களைத்
தேடித் தேடிப்
படிப்பதால் வெளிபடும்
வாழ்வு இனிக்கிறது!
அறைக்குள்
அடங்கிக் கிடந்த
எண்ணச் சிறைகளிலிருந்து
விடுதலை அளிக்கிறது!
நல்ல நூல்களின்
வாசிப்பு!
வாழ்வின் அடையாளம்
சுவாசிப்பதைப் போல்
வாசிப்பை நேசிப்பது!
3.
படைப்பு!
தற்புகழ்ச்சிக்காகவோ
பிறரை மகிழ்விப்பதற்காகவோ
எழுதப்படும் எழுத்துக்களை விட
உய்த்துணர்வதற்கும்
உட்பொருள் காண்பதற்கும்
நல்வழி காட்டுவதற்கும்
தெளிவான தேடலுடன்
சொல்லும் செய்தியும்
சொல்ல வேண்டிய செய்தியும்
ஏற்படுத்தும்
எழுத்தின் தேவையை!
4. விரக்தி!
விரக்தி
வேதனையின் வித்துக்கள்!
முன்னேற்றத்தின் தடைக்கல்!
மனநிம்மதியின் எதிரி!
5. நன்னெறிகள்!
சிந்திப்பது
மனித அறிவின்
பண்பாடு!
கற்பது
மனித வெற்றியின்
வாய்ப்பு!
செயல்படுவது
மனித ஆற்றலின்
வெளிப்பாடு!
6. நம்பிக்கை!
சிந்திக்காமல்
சிறந்தவர்கள் இல்லை!
உழைக்காமல்
உயர்ந்தவர்கள் இல்லை!
நம்பிக்கை இல்லாமல்
நாளை இல்லை!
7. அன்பு!
பிறரிடம்
நாம் வைக்கும் அன்பு
மகிழ்ச்சியை
அளிக்கவேண்டுமே தவிர
முட்டாளாக்கும் சக்தியாக
இருக்கக் கூடாது!
8. நேர்மை!
பணம் மட்டுமல்ல!
மனமும் சார்ந்தது!
9. உணவு!
உணவை
உரிய முறையில் உண்டால்
உபாயம்!
உரிய முறைதவறி உண்டால்
அபாயம்!
10. குறிக்கோள்!
பயனற்ற காரியங்களில்
நாம் நாட்டம் கொண்டால்
அது ஆசை!
பயனுள்ள காரியங்களில்
நாம் நாட்டம் கொண்டால்
அது குறிக்கோள்!
11. அச்சம்!
தடுமாற்றத்தின்
உச்சநிலை
அச்சம்!
12. நல்வாழ்வுக்கு!
தாழ்வு மனப்பான்மை
மட்டுமல்ல!
உயர்வு மனப்பான்மையும்
நல்வாழ்வுக்கு உகந்ததல்ல!
13. வெற்றி!
வெற்றி
அடுத்தவர் நமக்குத் தருவதல்ல!
விதைக்குள் விருட்சம் இருப்பது போல்
விடா முயற்சியும்
உற்சாகமான உழைப்பும்
உரிய ஊக்கமும்
தெளிவான திட்டமும் - இருந்தால்
வெற்றிக் கனி நம் கையில்!
14. உரிமை!
உரிமை என்பது!
உலக உயிர்கட்கு அளிக்கப்பட்ட
இயற்கை கொடை!
ஒருவர் கொடுப்பதுமன்று!
மற்றொருவர் வாங்குவதுமன்று!
அனைத்து உயிர்களுக்கும்
இயல்பாக அமைவது!
பறிக்கவும் அடக்கவும்
எவருக்கும் உரிமையில்லை!
15. வலி!
வலிகள் இல்லாத
வாழ்க்கை இல்லை!
வலிகளை் சந்திக்காமல்
வெற்றி இல்லை!
16. துணிச்சல்!
துணிச்சல் - என்பது
அச்சமில்லாத தன்மையல்ல!
அச்சத்தை ஒதுக்கிவிட்டு
செயலைத் தொடர்ந்து செய்வது!
17. கடமை!
'கடனே' என்று
ஆற்றுபவர்களும் உண்டு!
கடவுள் வழிபாடாக
ஆற்றுபவர்களும் உண்டு!
18. இங்கிதம்!
இங்கிதம்!
நேர்முறை நிகழ்வு அல்ல
காயப்படுத்தாமல் இருப்பது!
கனிவோடு இருப்பதல்ல
புண்படுத்தாமல் இருப்பது!
பாராட்டுவது அல்ல
பரிகசிக்காமல் இருப்பது!
ஏற்றிக் கூறுவது அல்ல
ஏளனம் செய்யாமல் இருப்பது!
இங்கிதம்!
ஒருவருடைய பண்பாட்டை
வெளிப்படுத்தும் பதாகை!
Comments
Post a Comment