பழந்தமிழரின் மணமுறைகள்- காப்பிய கால மணமுறைகள்

 

பழந்தமிழரின் மணமுறைகள்- காப்பிய கால மணமுறைகள்   

 

   பண்டைத் தமிழரின் மணமுறையின் மரபாகக் காப்பியங்களிலும் இடம் பெறுவதை அறிய இயலுகிறது.

·       பெண் கேட்டு நிச்சயித்து மணவினையைப் பெண் வீட்டில் நிகழ்த்துவதை வழக்கமாகக் கொண்டிருந்தனர்.

·        பெண் கேட்கவும் நல்ல நாள் பார்த்தனர்.

·  சிலம்பு கழி நோன்பு நிகழ்த்திய பின்னரே வதுவை நிகழ்த்துவதை வழக்கமாகக் கொண்டிருந்தனர்.

· பந்தலில் புதுமணல் பரப்புவதை வழக்கமாகக் கொண்டிருந்தனர்.

· இளவேனில் காலத்தைத் திருமணம் நிகழ்த்துவதற்குரிய பெரும்பொழுதாகக் கருதினர்.

· காலையில் மணம் நிகழ்த்துவதை வழக்கமாகக் கொண்டிருந்தனர்.

·  புள் நிமித்தம் நன்னிமித்தமாக வாய்க்கப்பெற்ற பின்னரே மணவினையைத் தொடங்கினர்.

· திருமண வினைகள் தொடங்குவதற்குமுன் கடவுள் வழிபாடாற்றினர்.

· திருமணத்தில் விளக்கேற்றுதலை வழக்கமாகக் கொண்டிருந்தனர்.

·  மணமகளின் தந்தை மகளை மணமகனின் கையில் ஒப்புவித்தலை மணநிகழ்வின் சிறப்பு நிகழ்வாகக் கருதினர்.

·      நெல்லும் மலரும் தூவி வாழ்த்துவதை மரபாகப் போற்றினர்.

காப்பிய கால மணமுறைகள்

 காப்பியம் சுட்டும் மணத்தொடர்பான சில பழக்கவழக்கங்களைப்  பார்க்கும்போது, சங்க காலத்திற்குப் பின்னர் தமிழர் வாழ்வில் அரிய எண்ணங்கள் செல்வாக்குப் பெற்று விளங்கிருப்பதனை உணர இயல்கிறது.

·        குழந்தை பிறந்ததும் சாதகம் கணித்தனர். அந்தச் சாதகப் பொருத்தம் கொண்டு மணவினைக்கு, மணமகள் தேர்ந்தெடுத்தலும் உண்டு.

· மன்னர் மணவினையில் எட்டுப் பொருத்தங்கள் இருந்தால்தான் மணம் பற்றிப் பேசுதல் முறை எனக் கருதினர்.

·        குலம் கோத்திரம் பார்த்து மணம் பேசுதலும் உண்டு.

·  நல்லநாள் பார்த்து மணச் செய்தி அனுப்புதல், நகருக்கு உணர்த்துதல் ஆகியன மேற்கொண்டனர்.

·        மன்னர், வணிகர் ஆகியோர் முரசறைந்து மணச்செய்தியை ஊருக்குணர்த்தினர். மணஓலை அனுப்பிச் செய்தியுணர்த்திய நிலை இடம் பெற்றது.

·        மணவினையில் நகர் அலங்காரம், மணப்பந்தல், ஒப்பனை, மணமேடை ஒப்பனை சிறப்பிடம் பெற்றன.

· திருமணத்தில் விளக்கேற்றலும், இறை வழிபாடும் இடம்பெற்றன.

· வேதவிதிப்படி வேள்வித் தீ மூட்ட மணமேடை அழகுப்படுத்தப்பட்டதுடன், முறைப்படி தருப்பை, ஆசனம், மணவினைப் பெருள்கள் இடம் பெற்றன.

·        மணமேடையில் முளைப் பாலிகை இடம் பெற்றது.

· மணமக்களைக் கூடியிருந்தவர் மலர்தூவி வாழத்திப் போற்றினர்.

·        மணமக்கள் வேள்வித்தீயை வலம் வருதல், அம்மி மிதித்தல், அருந்ததியைக் காட்டுதலுடன் மணமக்கள் கரம் கூப்பி வணங்கினர்.

· மணவினையில் மணமகன், மணமகளுக்குத் தாலி அணிவித்தக் குறிப்பு இல்லை. ஆனால் மணப்பெண் மணமுடித்தமைக்கு அடையாளமாகத் தாலி அணிந்திருந்தனர் என்பது தெரிகிறது.

·     மணமகனுக்கு, மணமகளின் பெற்றோர் பாத பூசை செய்தல் இடம் பெற்றது.

· மணமுடிந்த நான்காம் நாள் பகலெல்லை முடிந்தபின் சதுர்த்தி விரதம் பூண்டு மணவாழ்க்கை தொடங்கினர்.

புதிய முறைகளைக் காப்பியங்களில் இடம் பெற்றுள்ளதை அறியமுடிகிறது.

பார்வை நூல்

காப்பியங்களில் பழக்கவழக்கங்களும் நம்பிக்கைகளும் - முனைவர் புலவர். சீ.வசந்தா,ஸ்ரீவித்யா பதிப்பகம், சென்னை -600 082