அறிவுச்சாரல்

Posts

Showing posts from October, 2022

தொல்தமிழர் உணவுமுறைகள்

தொல்தமிழர் உணவுமுறைகள் தமிழ் மக்கள் அனைவரும் ஒரே வகையான உணவை உண்டார்கள் என்பதற்கு எவ்விதச் சான்றுகளும் இல்லை . இயற்கையாக அமைந்த நிலப்பாகுபாடுகளில் ஆங்காங்குக் கிடைத்தப் பொருள்களையும் , தங்கள் முயற்சியால் தட்பவெப்ப நிலைக்கேற்ப உற்பத்தி செய்தப் பொருள்களையும் கொண்டு தங்கள் உணவு வகைகளைத் தயாரித்துக் கொண்டார்கள் என்பதற்கும் பல சான்றுகள் உள்ளன . உணவுப் பொருள்களை அப்படியே உண்ணாமல் நல்ல முறையில் பக்குவம் செய்து சுவையேற்றி உண்டு மகிழ்ந்திருக்கிறார்கள் . குறிஞ்சி நில மக்களின் உணவுமுறைகள் சோழநாட்டுக் குறிஞ்சி நில மக்கள் கிழங்கையும் தேனையும் மகிழ்ந்து உண்டார்கள் . இவ்விரண்டு பொருள்களையும் பிறருக்கு விற்று அவற்றிற்குப் பதிலாக மீன் , நெய்யையும் நறவையும் வாங்கிப் போய் உண்டுள்ளார்கள் . சில சிறப்பான நாள்களில் நெய் மிகுதியாகப் பெய்த உணவு அவர்களால் உண்ணப்பட்டது . மலை அடிவாரத்தில் வாழ்ந்த சிற்றூர் மக்கள் தினைச் சோறு சமைத்து நெய்யில் இறைச்சியை வேகவைத்து இரண்டையும் சேர்த்து உண்டார்கள் . ...

தும்மல்

தும்மல் தும்மலில் கூட நன்னிமித்தம் தீ நிமித்தத்தைத் தமிழர்கள் கண்டனர். தும்மல் என்பது இயல்பாக வருவதாகும். ஆனால், யாரோ தம்மை நினைப்பதனால்தான் தும்மல் வருகிறது என்ற எண்ணம் இதன்பால் உள்ள நம்பிக்கையைப் புலப்படுத்தும். இன்ன நேரத்தில், இன்ன இடத்தில் தும்மக்கூடாதென்னும் நம்பிக்கை நடைமுறை வாழ்க்கையில் உள்ளது. மேலும் தும்மலில், ஒரு சிலர் தும்மினால் நன்மை விளையும்; அல்லது துன்பமின்றிக் கழியும். ஆனால் ஒருசிலர் தும்மினால் தீமை விளைவதுண்டு என்ற நம்பிக்கையும் மக்களிடையே இருந்து வருகின்றது. அதனால்தான் மங்கலக் காரியங்களில் தும்மல் ஓசை காதில் விழாவண்ணம் மங்கல இசை பெருத்த ஓசையுடன் இசைக்கப்படுகின்றது எனவும் கொள்ளலாம். சிறப்புடைச் சடங்கின்போதும், யாதொரு நற்செயலைத் தொடங்கும்போதும், வெளியில் புறப்படும்போதும் தும்மக் கூடாதென்பர். அத்துடன் வீட்டின் வாயில் நிலையில் அமர்ந்தவாறும், உணவு உட்கொள்ளும் போதும் தும்மக் கூடாதென்பர். இவையெல்லாம் நடைமுறைப்பட்ட நம்பிக்கைகளாகும். ...

கலித்தொகையில் காளையின் வகைகள்

கலித்தொகையில் காளையின் வகைகள் காளைகளின் இலக்கணத்தைக் கலித்தொகையிலே காணலாம். காளைகளிலே ஐந்து வகையுண்டு. அவை காரி, வெள்ளை, குரால், புகர், சேய் என்பன. காரி-கறுப்புக்காளை, வெள்ளை- வெள்ளைக்காளை, குரால்-மயிலைக்காளை, புகர்-புள்ளிக்காளை, சேய்-சிவப்புக்காளை. அவைகளின் தோற்றங்கருதி ஐவகையாகப் பிரித்தனர். ”வள்ளுருள் நேமியான் வாய்வைத்த வளைபோலத் தெள்ளிதின் விளங்கும், சுரிநெற்றிக் காரியும்” திருமால் தன் வாயில் வைத்து ஊதுகின்ற வலம்புரிச் சங்கினைப் போல், தெளிவாக விளங்கும் வெண்மையான நெற்றியையுடைய கறுப்புக் காளையும், ”ஒரு குழையவன் மார்பில் ஒண்தார்போல், ஒளிமிகப் பொருவறப் பொருந்திய செம்மறு வெள்ளையும்” பலராமனுடைய மார்பிலே நீண்டு தொங்குக...

தமிழர் வீரம்

தமிழர் வீரம் தமிழர்களின் ஒப்பற்ற வீரத்தைப் பற்றி உரைக்கும் பாடல்கள் பலவுண்டு. வீரம் என்றால் இளைத்தவர்களை- வீணாக இன்னலுக்கு ஆளாக்கித் தான் மட்டும் இன்புற்று வாழ்வதன்று. மற்றவர்களைக் காட்டிலும் தான் ஆற்றலுடையவன் என்பதை அறிவித்துக் கொள்ளுவதன்று; தான் கொண்ட கொள்கையிலே உறுதியுடன் நிற்றல்; தான் செய்யத் தொடங்கிய செயல்களை முட்டுக்கட்டைகளுக்கு அஞ்சாமல் முயற்சியுடன் செய்து முடித்தல்; தன் மானத்திற்கு இழுக்கு வராமல் தன் செயலிலே வெற்றியடைதல்; தன்னைக் காரணமின்றித் தாழ்த்திப் பேசுவோர் நாணும்படி அவர்கள் செருக்கைச் சிதைத்தல். இவைகளே வீரத்தின் இயல்பு. இத்தகைய சிறந்த வீர முடையவர்களே இந்நாட்டுத் தமிழ் மன்னர்கள். பாண்டியன் தலையாலங்கானத்துச் செருவென்ற நெடுஞ்செழியன் பாடல் வழி அறியலாம். இவன் வீரத்திலே மிகுந்த வேந்தன் மட்டுமன்று; செந்தமிழ் புலவனாகவும் சிறந்திருந்தான். ”படை பலத்தால் என்னை இகழ்ந்துரைத்த வேந்தர்களுடன் வீரப்போர் புர...

கொடுக்கல் வாங்கல்

கொடுக்கல் வாங்கல் கொடுக்கல் வாங்கல் என்பது உலக வழக்கு. கடன் கொடுப்பது கொடுக்கல். அதைத் திருப்பி வாங்குதல் வாங்கல். பணத்தை வட்டிக்குக் கொடுத்து வாங்கும் முறை ஏற்பட்ட பிறகுதான் கொடுக்கல் வாங்கல் என்ற சொற்றொடர் பிறந்திருக்கக் கூடும். பண்டைக் காலத்திலே பணத்தை வட்டிக்குக் கொடுத்து வாங்கும் வழக்கம் இருந்ததாகத் தெரியவில்லை. பொருள் வேண்டியவர்கள். தமக்கு வேண்டிய பொருளை, உள்ளவர்களிடம் கடனாக வாங்கி க் கொள்வார்கள். பிறகு கொடுத்து விடுவார்கள். இப்படி வாங்கும் கடனுக்குத் தனிசு என்று பெயர். கடன் வாங்கும் போது முகமலர்ச்சியுடன் வாங்குவார்கள். அக் கடனைத் திருப்பிக் கொடுக்கும் போது வாங்கும் போதிருந்த முகமலர்ச்சியை அவர்களிடும் காண முடியாது. இதை இன்றும் கடன் வாங்குவோரிடம் காணலாம். கடன் கொடுத்தவர்களுக்கும் கடன் வாங்கினவர்களுக்கும் சண்டை சச்சரவுகள் ஏற்படுவதையும் காண்கின்றோம். வாங்கும்போது மகிழ்ச்சியடைதலும், கொடுக்கும்போது வருத்தமடைதலு...

ஆரியர்கள்

ஆரியர்கள் வட நாட்டினரை ஆரியர்கள் என்ற பெயரால் சங்க இலக்கியங்கள் குறிப்பிடுகின்றன. அகநானூற்றிலும் இதைக் காணலாம். தமிழ் நாட்டு மன்னர்களுக்கும், வடநாட்டு மன்னர்களுக்கும் சங்க காலத்திற்கு முன்பே பல போர்கள் நடந்திருக்கின்றன. தமிழர்களும் வடநாட்டின் மேல் படையெழுத்திருக்கின்றனர். ஆரியர் – தமிழர் போராட்டங்களுக்கு இனவெறியோ, மதவெறியோ கலாசார வெறியோ காரணங்கள் அல்ல. தமிழ்நாட்டு மன்னர்கள் – சேர, சோழ, பாண்டியர்கள் அடிக்கடி தங்களுக்குள் போரிட்டு வந்தனர். இவர்கள் போரிட்டுக் கொள்வதற்கு என்ன காரணமோ அதே காரணந்தான் தமிழரையும் ஆரியரையும் சண்டையிடச் செய்தது. சேர, சோழ பாண்டியர்கள் கலாசாரத்தில் எப்படி ஒன்றிபட்டிருந்தனரோ, அதைப் போலத்தான் அக்காலத்தில் ஆரியரும் தமிழரும் கலாசராத்தில் ஒன்றுபட்டிருந்தனர். ”ஆரியர் பொன் படுநெடுவரை (அகம். பா.398) ஆரியர்...

போர் - அன்றும் இன்றும்

போர் - அன்றும் இன்றும் அணு ஆயுதங்களின் மூலம் தம் ஆற்றலை வெளிப்படுத்தும் வகையில் இன்று உலக நாடுகளிடையே பனிப்போர்கள் பெருகி வருகின்றன . இத்தகைய சூழலில் போர் என்பதன் பொருள் யாது ? போரில் பின்பற்ற வேண்டிய நெறிகள் யாவை ? என்பவற்றை அறிதற்குப் பண்டைத் தமிழர் போரில் பின்பற்றிய நெறிகள் துணைபுரியும் . ‘ பொரு ’ என்னும் வேர்ச் சொல்லினடியாகப் பிறந்தது ‘ போர் ’ எனும் சொல் , ஆற்றலினும் படை பலத்திலும் ஒத்தத் தன்மையுடையாரோடு பொருதலே போர் என்பது பண்டைத் தமிழரின் கொள்கை , தற்காலத்தில் நிகழ்வது போல் எதிர்பாராது தாக்குதல் , மறைந்திருந்து தாக்குதல் , அதிரடித் தாக்குதல் போன்ற முறைகளில் போர் நிகழவில்லை . போர் செய்யப் போவதை அறிவித்தப் பின்னர்ப் போர் செய்வது மரபாக நிலவியது . வெண்ணி , வாகை , திருப்போர்ப்புறம் ஆகிய இடங்களில் களங்குறித்துச் செய்த போர்கள் பற்றிய செய்திகளை இலக்கியங்கள் எடுத்துக்காட்டுகின்றன . இக்காலத்தைப் போலக் கண்ணுக்குத் தெரியாத அணு ஆயுதங்களைக் கொண்டு அவர்கள் போர் நிகழ்த்தவில்...

அறிவுச்சாரல்

Search This Blog

Posts

சேலம் மகிழம் தமிழ்ச் சங்கத்தில் நூல் வெளியீட்டு நிகழ்வாக...

தொல்தமிழர் உணவுமுறைகள்

தும்மல்

கலித்தொகையில் காளையின் வகைகள்

தமிழர் வீரம்

கொடுக்கல் வாங்கல்

ஆரியர்கள்

போர் - அன்றும் இன்றும்

Popular posts from this blog

பொய்யில் புலவன் பொய்யா மொழிகள்

எண்ணம் போல் வாழ்வு

மனிதனாக வாழ ...