பெண்ணின் பெருமை அல்லது வாழ்க்கைத் துணை என்னும் நூலில் பெண்ணியச் சிந்தனைகள் ஆண் , பெண் என்ற இருவரில் உயர்வு தாழ்வு இல்லை . பெண்களுக்கு முதன்மை வழங்கவேண்டும் என்பது அறிவும் அன்பும் வாய்ந்தோர் கருத்து . பெண்களுக்கு இயல்பாக அமைந்துள்ள குணம் , தொண்டு , கடமை முதலியவற்றை நோக்கும் போது முதன்மை பெற்று விளங்குவது நன்கு புலனாகும் . ஆண்களின் பேற்றிற்கும் , வளத்துக்கும் , நலத்துக்கும் , பிற ஆக்கத்திற்கும் நிலைக்களனாயிருப்பது பெண்ணுலகம் என்பது எவரும் அறிந்த ஒன்று . ஆகையால் முதன்மை வழங்கினால் நேரும் இழுக்கென்ன ? நமது நாடும் பெண்மையும் நம் முன்னோர்கள் கல்வியைக் ‘ கலைமகள் ’ என்றும் , திருவைத் ‘ திருமகள் ’ என்றும் , ஞானத்தைப் ‘ பரை ’ என்றும் கொண்டது ஆராயத்தக்கது . நாட்டைப் பலவழிகளிலும் காட்டைக் காக்கும் காட்டுக் கன்னியை ‘ வனதேவதை ’ என்று வாழ்த்துவதும் , பல்லுயிர்களைத் தாங்கும் நாட்டைத் ‘ தாய் நாடு ’ என்றும் வாழ்த்துவதும் எண்ணவேண்டும் . மாணிக்கவாசகரு...
சிறுதெய்வங்களுக்கு நேர்த்திக் கடன்
மக்களின் நம்பிக்கைக்கும் நேர்த்திக் கடனுக்கும்
நெருங்கிய தொடர்புண்டு. நன்மையின் பால் விருப்பமும், தீமையின் பால் கொண்ட வெறுப்பும்
இவைக் காட்டவில்லை. நம்பிக்கை வெற்றிபெறுமானால் அது நேர்த்திக் கடனாகிறது. இது இறைவனுக்கும்
மக்களுக்கும் இடையே நடக்கும் ஒரு பண்டமாற்று முறையாகும். கடவுளிடம் நீ எனக்கு இந்த
காரியத்தைச் செய்து முடித்தால், நான் உனக்கு இதைச் செய்கிறேன் என்று நேர்ந்து கொண்டு
செய்வதாகும். இறைவன் உயிர்களிடமிருந்து ஏதும் எதிர்பாரான் ஆயினும், மக்கள் தம் மன அமைதிக்காக
இறைவனிடம் செய்து கொள்ளும் ஓர் ஒப்பந்தமே நேர்த்திக் கடனாகும்.
நேர்த்திக்
கடன்
நோய்களுக்குத் தக்க முறையில் நேர்த்திக்கடன்
அளிக்கப்படுகிறது. உடல் உறுப்புகளில் ஏதேனும் ஊறு ஏற்படின் அதனை நீக்குவதற்கு அவ்வுறுப்பினைப்
போன்ற மாதிரிகளை அளிப்பது உண்டு. தலை, கண், கால், கை, வயிறு முதலிய உறுப்புகள் அளிக்கப்படுகின்றன.
இவை மண்ணாலோ அல்லது உலோகத்தாலோ செய்யப்பட்டிருக்கும். கண்ணில் ஊறு ஏற்பட்டவர்கள் வெள்ளியலான
கண்மலரை இறைவன் கண்ணில் சாற்றி தம் கடனை நிறைவேற்றுவர். முடி இறக்குதல், அங்கப் பிரதட்சணம்
போன்ற நேர்த்திக் கடன்கள் பெருமளவில் நடைபெறுகின்றன.
தொட்டில் கட்டுதல்
பிள்ளையில்லாதவர்கள் வேண்டிக்கொண்டு தொட்டில்
கட்டுவது மரபாகும். இதனை அம்மன் சந்நிதியிலோ அல்லது தல மரத்திலோ கட்டித் தொங்கவிடுவர்.
‘ஆசைக்குப் பிள்ளை தரின் ஓசைக்கு மணி வாங்கித் தருவேன்’ என்று வேண்டிக் கொள்வோரும்
உண்டு.
மாவிளக்கு இடுதல்
பேச்சு வராத குழந்தைகளுக்குப் பேச்சு வருதல்
வேண்டித் தன் குலம் விளக்கம் பெறவும், ஒளி பெறவும் கோயில்களுக்கு விளக்கு ஏற்றும் முறையும்,
மாவிளக்கு இட்டு கடவுளை வணங்கும் மரபும் உண்டு.
உயிர்ப்பலி
உயிருக்கு ஊரு நேரும் பொழுது உயிர்க்கு உயிர்
அளித்தல் உண்டு. பழங்காலத்திலிருந்து இன்று வரை ஆடு, சேவல் போன்ற உயிரினங்களை பலி இடுதல்
உண்டு. மேலும் தற்காலத்தில் சேவல், ஆடு, பசு போன்ற உயிரினங்களை உயிருடன் கோவிலுக்கு
விடப்படுகிறது. ‘மயானசூறை’ அங்காளம்மன் ஆட்டத்தின்
போதும் சேவல் பலியிடப்படுகிறது.
தீ மிதித்தல்
எண்ணற்ற மக்கள் இந்த வகையான நேர்த்திக் கடனை
செய்து வருகின்றனர். மாரியம்மன் அல்லது காளியம்மனுக்கு செய்யும் பக்திக் கடனாகும்.
விரதம் இருந்தும், காப்புக் கட்டியும் தீ மிதிக்கின்றனர். மஞ்சள் ஆடை அணிந்து கரகம்
எடுத்து வருவோரின் பின் வந்து தீக்குழியில் இறங்குவர்.
காவடி எடுத்தல்
காவடி எடுத்தல் முருகனுக்கு உரியது என்றாலும்
மாரியம்மனுக்கும் காளியம்மனுக்கும் நேர்த்திக் கடனாக காவடி எடுக்கப்படுகிறது. பால்
காவடி எடுத்து வந்து அபிசேகம் செய்யப்படும். கம்பிகளால் அலகுக் குத்திக் கொண்டு காவடியைச்
சுமந்து வருவர். சிலர் நாக்கிலும், கன்னத்திலும் வேலைக் குத்திக் கொண்டு வருவது வழக்கமாகும்.
நிறைவாக
அச்சம் காரணமாக வரும் இடையூறுகளை நீக்குவதன் பொருட்டு தெய்வத்தின் துணையை நாடுகின்றனர்.
தாங்கள் வழிபடும் தெய்வத்தை மகிழ்விக்கப் பூசைகளும், பலியிடுதலும், காணிக்கைகள் செலுத்துதல்
போன்ற நம்பிக்கைகளின் அடிப்படையில் நேர்த்திக் கடன் செலுத்துகின்றனர்.
துணை நின்ற
நூல்
1.
புவனேஸ்வரி.
முனைவர்.எ – நாட்டுப்புறத் தெய்வ வழிபாடு, சித்ரா பதிப்பகம், கோடம்பாக்கம், சென்னை
– 600 024, முதல் பதிப்பு – 2019.
Comments
Post a Comment