பெண்ணின் பெருமை அல்லது வாழ்க்கைத் துணை என்னும் நூலில் பெண்ணியச் சிந்தனைகள் ஆண் , பெண் என்ற இருவரில் உயர்வு தாழ்வு இல்லை . பெண்களுக்கு முதன்மை வழங்கவேண்டும் என்பது அறிவும் அன்பும் வாய்ந்தோர் கருத்து . பெண்களுக்கு இயல்பாக அமைந்துள்ள குணம் , தொண்டு , கடமை முதலியவற்றை நோக்கும் போது முதன்மை பெற்று விளங்குவது நன்கு புலனாகும் . ஆண்களின் பேற்றிற்கும் , வளத்துக்கும் , நலத்துக்கும் , பிற ஆக்கத்திற்கும் நிலைக்களனாயிருப்பது பெண்ணுலகம் என்பது எவரும் அறிந்த ஒன்று . ஆகையால் முதன்மை வழங்கினால் நேரும் இழுக்கென்ன ? நமது நாடும் பெண்மையும் நம் முன்னோர்கள் கல்வியைக் ‘ கலைமகள் ’ என்றும் , திருவைத் ‘ திருமகள் ’ என்றும் , ஞானத்தைப் ‘ பரை ’ என்றும் கொண்டது ஆராயத்தக்கது . நாட்டைப் பலவழிகளிலும் காட்டைக் காக்கும் காட்டுக் கன்னியை ‘ வனதேவதை ’ என்று வாழ்த்துவதும் , பல்லுயிர்களைத் தாங்கும் நாட்டைத் ‘ தாய் நாடு ’ என்றும் வாழ்த்துவதும் எண்ணவேண்டும் . மாணிக்கவாசகரு...
பேரின்பம்
– பிள்ளைகள் தரும் இன்பம்
புறநானூறு –
188
பாடியவர் –
பாண்டியன் அறிவுடை நம்பி
திணை – பொதுவியல்
திணை
துறை – பொருண்மொழிக்
காஞ்சித்துறை
எவ்வளவு செல்வம் இருந்தாலும், கூடி உண்ணக்
கூடிய கோடிச் சுற்றம் இருந்தாலும், பெற்றோர்க்குக் குழந்தைகள் தரும் இன்பம் குறைவில்லாப்
பேரின்பம் என்பதை விளக்கும் பாடல்.
”படைப்புப் பலபடைத்துப் பலரோடு உண்ணும்
உடைப்பெரும்
செல்வர் ஆயினும் இடைப்படக்
குறுகுறு
நடந்து சிறுகை நீட்டி
இட்டும்
தொட்டும் கவ்வியும் துழந்தும்
நெய்யுடை
அடிசி மெய்பட விதிர்த்தும்
மயக்குறு
மக்களை இல்லோர்க்குப்
பயக்குறை
இல்லைத் தாம்வாழும் நாளே”
பல செல்வ வளங்களைப் பெற்றிருந்தாலும், பலருடனே
கூடி இருந்து உண்ணுகிற சுற்றம் நட்பு ஆகிய பல செல்வங்கள் இருந்தாலும், தத்தித் தவழ்ந்து,
தடுமாறி நடந்து, தனது அழகிய சிறிய கையை நீட்டி, உண்கலத்தில் உள்ள உணவைத் தொட்டு எடுத்து,
வாயில் போட்டும், கையால் துழாவியும், நெய்யாலான அந்தச் சோற்றை அள்ளித் தன் உடலெல்லாம்
வாரி இறைத்துக் கொண்டும் விளையாடும், பெற்றவர்களை அன்பால் மயங்கச் செய்யும் பிள்ளைகள்
இல்லாதவர்களுக்குப் பிறவி பெற்ற பயன் இல்லை. அவர்கள் வாழும் நாள் வீண் நாளே யாகும்.
Comments
Post a Comment