சின்சினாட்டியில் – நான் வியந்த அனுபவங்களாக...

 

சின்சினாட்டி – நான் வியந்த அனுபவங்களாக...

        சின்சினாட்டிக்கு (USA) என்னுடைய மருமகன் software கம்பெனியிலும், என் புதல்வி Architecture பணியிலும் இருப்பதால் நான் மே மாதம் விடுமுறையில் வந்துள்ளேன். ஏப்ரல் 23.04.2025 புதன் கிழமை இரவு 1.00 மணி அளவில் வந்தடைந்தேன். அன்றிலிருந்து இன்று (01.05.2025) வரை நான் அறிந்து கொண்ட அனுபவங்களாக உங்களுடன் பகிர்ந்து கொள்ள விரும்புகிறேன். நான்  என்னுடைய  அனுபவங்களை நான் பதிவு  செய்து  கொள்ளும் வகையில் படைத்துள்ளேன்.

சின்சினாட்டியில் உள்ள நல்ல பழக்கங்களைக் கண்டு வியந்துப் பார்க்கின்றேன். அரசாங்கத்தின் விதிகளை  மக்கள் சிறப்பாகக் கடைப்பிடிக்கிறார்கள். இதையெல்லாம் பார்க்கும் பொழுது எனக்கு வியப்பாக இருக்கிறது.

         (மேலே உள்ள புகைப்படத்தில் இங்கு குடியிருக்கும் காலணியிலும் குறிப்பிட்ட தூரத்திற்கு ஒன்று வைத்துள்ளார்கள். மிகவும் பாதுகாப்போடும் முன்னெச்சிரிக்கையோடும் இருக்கிறார்கள்.)

·    அமெரிக்காவில் இயற்கையை அழிக்காமல் பாதுகாப்பாக வைத்து நன்கு சிறப்பாகப் பராமரிக்கிறார்கள்.

·   ஒரு மரத்தை வெட்டுவது என்றாலும் அனுமதி வாங்கி பின் தான் வெட்டுகிறார்கள்.

·         குழந்தைகள் முதல் வயது முதிர்ந்தவர்கள் வரை யாரையும் சார்ந்து வாழாமல் தன் வேலையைத் தானே செய்து கொள்கிறார்கள். என் பெயர்த்தியும் நான்கு வயது தான் ஆகிறது. என்றாலும் தானே ஆடை உடுத்திக் கொள்வது, சாப்பிடுவது, என்று தன் வேலைகளைத் தானே செய்து கொள்ளும். அதற்கு வேலை கடினமானதாக இருந்தால் அடுத்தவர்களிடம் உதவி கேட்கும். 

·     இவற்றை பார்க்கும் பொழுது நாமும் பிறரை சார்ந்து வாழாமல் அடுத்தவர்களுக்கு முடிந்த அளவு துன்பம் கொடுக்காமல் வாழவேண்டும் என்ற எண்ணம் ஏற்படுகிறது.

·         நான் காலனியில் வாக்கிங் சென்று வரும் போது எதிரில் யார் வந்தாலும் மொழி தெரியாமல் இருந்தாலும் ஒரு புன்னகை, ஹாய் என்று சொல்லி கொண்டு கடந்து செல்கிறார்கள். யார் வாக்கிங் சென்றாலும் காரில் செல்வோர் நமக்காகப் பொறுமையாகக் காத்திருந்து நாம் சென்றவுடன் செல்கிறார்கள். வாக்கிங் செல்பவர்களுக்கு முக்கியத்துவம் கொடுக்கிறார்கள்.

·     

            நாங்கள் காய் கனிகள் வாங்க குடியிருக்கும் காலனியின் பக்கத்தில் kroger என்னும் வணிக வளாகத்திற்குச் சென்றோம். அங்கு அனைத்துப் பொருள்களும் கிடைக்கின்றன. நாம் எடுத்துச் செல்லும் தள்ளு வண்டியில் நான்கு புறமும் scan வைத்துள்ளார்கள். நாம் எடுக்கும் பொருள்களை நாமே scan செய்து எடை மற்றும் பில் போட்டு நம் card மூலம் பணம் செலுத்திக் கொள்ளலாம். எனவே பில் போடுவதற்கு வரிசையில் செல்ல வேண்டிய அவசியம் இல்லை. எனக்கு மிகவும் வியப்பானதாக இருந்தது.

·         மழை அதிகமாக பெய்தாலும் சாலைகளில் நீர் தேங்கி நிற்பதில்லை. 

·         என் புதல்வி குடியிருக்கும் காலனியில் நன்கு பராமரிப்பு செய்கிறார்கள். புல் முதலியவற்றை ஒழுங்குப் படுத்துதல், மரங்களை பராமரித்தல், குப்பைகளை அகற்றுதல் என்று அனைத்து பராமரிப்புகளும் சிறப்பாக செய்கிறார்கள்.

·         பெற்றோர்கள் குழந்தைகளுக்கு சிறு வயது முதல் ஜிம், ஸிவிம்மிங், என்று அனைத்து நிலைகளையும் வளர்த்து அவர்கள் குறிப்பிட்ட வயதிற்கு மேல் பெற்றோர்களைச் சார்ந்து வாழாமல் அவர்கள் சுயமாகப் பொருளீட்டி வாழ வகை செய்கிறார்கள்.

·           இங்கு படிக்கும் மாணவர்களுக்குக் கல்வி  கட்டணம் மிகக் குறைவு. மாணவர்கள் பள்ளி படிப்பு முடிக்கும் பொழுது அனைவரும் Driving  கற்றுக் கொள்கிறார்கள். எனவே ஆண், பெண், வயதானவர்கள் என்று அனைவரும் கார், மற்றும் பிற வாகனங்கள் ஓட்டுகிறார்கள். 

 ·  முதியோர்களுக்கும் பாதுகாப்பு எனவே பொருள் சேர்த்து வைக்க வேண்டும் என்ற நிபந்தனைகள் இல்லை. நாம் தான் பிள்ளைகளை கடைசி வரை வைத்து கொண்டு ஊதாரித்தனமாக வளர நாமே காரணமாக இருக்கிறோம்.

      இங்கு அனைத்து இடங்களிலும் தீயணைக்கும் கருவியை  குறிப்பிட்ட தூரத்திற்கு ஒன்று வைத்துள்ளார்கள். நாங்கள் சென்ற அனைத்து இடங்கள், சாலையோரங்கள், கடைகள், என் மகள் குடியிருக்கும் காலனி என்று அனைத்து இடங்களிலும்  பார்த்து வியந்தேன். 

நான் இந்த ஒரு வாரத்தில் கேட்டு, பார்த்து கொண்ட அனுபவங்களைத்தான் உங்களிடம் பகிர்ந்துள்ளேன்.

நிறைவாக,

         ஒரு நாடு சிறப்பாக செயல்பட, முன்னேற்றம் அடைய அரசாங்கம் விதிக்கும் விதிமுறைகளைப் பின்பற்ற வேண்டும். நாட்டில் தவறுகள் நடக்காமல் இருக்க தண்டனைகள் கடுமையானதாக இருக்க வேண்டும். தனி மனிதன், குடும்பம், என்று அவரவர் தங்களை ஒழுங்குப்படுத்திக் கொண்டால் சமுதாயம் நன்றாக இருக்கும். நாடு சிறப்படையும். எனவே நாட்டின் முன்னேற்றம் தனிமனிதர் கையில்.