என் எண்ணச் சிதறல்கள் ! (4) Linkedin எனும் தளத்தில் என்னுடைய எண்ணங்களைக் கடந்த சில மாதங்களாகக் கவிதைகளாக வெளியிட்டு வருகிறேன் . அந்தக் கவிதைகளை அனைத்தையும் தொகுத்து இப்பகுதியில் வெளியிட்டுள்ளேன் . 1. சாதனை! அனுபவங்களில் இருந்து பிறப்பவையல்ல! கற்பனைகளில் இருந்து பிறப்பவை! அனுபவத்திற்கு வயது தேவை! சாதனைக்கு வயது தேவையில்லை! 2. வலிகள்! நம் வாழ்வின் தொடர் கதைதான்! தொடர்கதையில் கிளைக்கதைப் போல் நமது மகிழ்ச்சியான தருணம்! வலிகள் நிறைந்த வாழ்வில் இளைப்பாறி ரசிப்பதற்கும் இனியவற்றை நுகர்வதற்கும் மடைமாற்றிக் கொண்டால் நம் வாழ்க்கை துயரங்களின் தொகுப்பாக இல்லாமல் ...
தாழை நெய்தல் திணையில் கடற்கரைச் சூழலில் காணப்பட்டதாகச் சங்க நூல்களில் கூறப்பட்ட செடிகளில் தாழையும் ஒன்றாகும். தாழையைப் பற்றிப் பல புலவர்கள் பாடியுள்ளனர். தாழையின் அடிமரம் இலை, பூ, வீழ், வாழும் சூழ்நிலை ஆகியவைபற்றிச் செய்திகள் வருகின்றன. இச்செய்திகள் செடிநூலில் கூறப்படும் செய்திகளோடு பெரும்பான்மை ஒத்தே வருகின்றன. தாழையின் அடிமரம் நேரிதாக இல்லாமல் வளைவுடன் காணப்படும். ”தடந்தாள் தாழை” (நற்றிணை 131, 230, 270) ”தடவுமுதல்”(நற்றிணை 19,235) ”தடவு நிலைத்தாழை” (குறுந்தொகை 219) என்று நற்றிணையிலும், குறுந்தொகையிலும் தாழையின் அடிமரம் பொருத்தமாகக் கூறப்படுகின்றது. தாழையின் மடல்கள் கீழே விழுந்து தாழையின் தாள் அல்லது அடிமரம் சருச்சரையுடையதாக இருப்பதைச் சங்கநூல்கள் குறிப்பிடுகின்றன . ”பிணர் அரைத்தாழை” (அகம்.130) ”பிணர்படு தடவுமுதல்” (நற்றிணை.19,235) என்று தாழையின் சுர சுரப்பான அடிமரம் விளக்கப்படுகின்றது. தாழையின் அடிமரத்தை மிக அழகாக ”இறவுப் புறத்தன்ன பிணர்படு தடவுமுதல்” என்று நற்றிண...